Azərbaycan XİN Gürcüstanın ərazi bütövlüyünə dəstək ifadə edib

Azərbaycan Xarici İşlər Nazirliyi rəsmi Bakı tərəfindən Gürcüstanın ərazi bütövlüyünün dəstəkləndiyini açıqlayıb.

"PostMedia" xəbər veri ki, bu barədə XİN-in sosial şəbəkə hesablarında edilən paylaşımda qeyd edilir:

"Biz Gürcüstandakı münaqişənin beynəlxalq səviyyədə tanınmış sərhədlər çərçivəsində suverenlik və ərazi bütövlüyü prinsiplərinə əsaslanan sülh yolu ilə həllini tam dəstəkləyirik.

Azərbaycan Gürcüstanla sıx tərəfdaşlıq və mehriban qonşuluq münasibətlərinə böyük əhəmiyyət verməyə davam edir".