Rusiya Ermənistan idxalı olun tərəvəzləri Azərbaycan məhsulları ilə əvəz edəcək

“Rusprodsoyuz” Assosiasiyasında bildirilib ki, Ermənistandan Rusiyaya gətirilən bəzi kənd təsərrüfatı məhsullarını başqa ölkələrdən almaq mümkündür və bu ölkələr arasında Azərbaycan da var.

"PostMedia" xəbər verir ki, Assosiasiyanın idarə heyətinin sədr müavini Dmitri Leonov bildirib ki, Ermənistan alma məhsullarının tədarükü Moldova, Azərbaycan, Serbiya, Türkiyə və Çin hesabına artırıla bilər. Zərurət yaranarsa, kartofun tədarükü Misir, Azərbaycan, Gürcüstan və Çin vasitəsilə həyata keçirilə bilər.
Onun sözlərinə görə, Ermənistadan idxal olunan heyva Türkiyə və Azərbaycan, armud isə Cənubi Afrika Respublikası, Türkiyə, Azərbaycan və Çin istehsalı ilə əvəz oluna bilər. Badımcan tədarükü isə Türkiyə, Özbəkistan və Çin hesabına genişləndirilə bilər.
Qeyd edək ki, Rusiyada Ermənistan mənşəli bəzi məhsulların — çiçəklər, bəzi tərəvəz və çiyələk, həmçinin çəyirdəkli və tumlu meyvələr, badımcan, kartof və quru meyvələrin bir hissəsinin idxalı qadağan edilib.