Gürcüstan sərhədini qanunsuz keçən iki əcnəbi saxlanılıb

Türkiyədən Gürcüstana sərhəd nəzarətinə məhəl qoymadan daxil olan, vətəndaşlıqları açıqlanmayan iki əcnəbi saxlanılıb.

"PostMedia" xəbər verir ki, bu barədə Gürcüstanın Sərhəd Polisi məlumat yayıb.

Məlumata görə, onlar Axaltsixe bölgəsində, sərhədin yaxınlığında tutulublar.

Hazırda həmin şəxslər Gürcüstan dövlət sərhədini qanunsuz keçməyə görə ittiham olunur və onları beş ilədək azadlıqdan məhrumetmə cəzası gözləyir.