1$ = 1.70₼

Son Yeniliklər

İran parlamentində Hörmüz boğazından keçid xidmətləri üçün gəmilərdən ödəniş alınması təsdiqlənib

XARİCİ XƏBƏRLƏR

Yaponiyada oyun salonunda ölümlə nəticələnən yanğın törətmiş şəxs edam edilib

ÖLÜM

“Əvvəl kabab, sonra ordu”. Almaniya yeni çağırışçılar cəlb etməyin qeyri-adi yolunu tapıb

Maraqlı

Fransa çempionatında yeni mövsüm başlayır

FUTBOL

Balinin müqəddəs qaydalarını pozan turist 1 illik həbs edilib

MƏHKƏMƏ

Təcili

Azərbaycanın Rusiyadakı səfiri: “Müttəfiqlik birtərəfli hərəkət yolu deyil”Bayram Məmmədovun anasını öldürən qardaşı vəfat etdi ABŞ İranı “ən böyük maliyyə hücumu” ilə bağlı xəbərdar edib İsrail Avropa Parlamentinin iki isveçli deputatının ölkəyə girişini qadağan edib İran parlamentində Hörmüz boğazından keçid xidmətləri üçün gəmilərdən ödəniş alınması təsdiqlənib Prezident İlham Əliyev Özbəkistanın Milli İnformasiya Agentliyinə müsahibə verib Bu ilin ilk yarısında yol-nəqliyyat hadisələrinin sayı 8% azalıb Yaponiyada oyun salonunda ölümlə nəticələnən yanğın törətmiş şəxs edam edilib “Zəngəzur” elektrik ötürmə xəttində işlərin birinci mərhələsi yekunlaşır “Əvvəl kabab, sonra ordu”. Almaniya yeni çağırışçılar cəlb etməyin qeyri-adi yolunu tapıb

Maraqlı

Paşinyanın mətbuat katibi vəzifəsindən gedib

30-iyul-2026, 16:32

Yazı Ölçüsü:

Ermənistanın Baş naziri Nikol Paşinyanın mətbuat katibi Nazeli Bağdasaryan Milli Məclisin deputatı səlahiyyətlərini icra etməyə başlayacağı üçün vəzifəsindən ayrıldığını açıqlayıb.

"PostMedia" xəbər verir ki, bu barədə o, "Facebook" hesabında paylaşım edib.

Bağdasaryan bildirib ki, son üç il yarım ərzində Baş nazir Aparatında çalışıb və ölkə üçün mürəkkəb bir dövrdə mətbuat katibi vəzifəsini icra edərək ictimai kommunikasiyanın, şəffaflığın və hesabatlılığın təmin olunmasına, cəmiyyətlə səmərəli əlaqələrin qurulmasına çalışıb.

O, Ermənistanın Baş naziri Nikol Paşinyana göstərdiyi yüksək etimada, birgə fəaliyyətə, qazandığı dəyərli təcrübəyə və yaratdığı imkanlara görə təşəkkür edib.

Nazeli Bağdasaryan eyni zamanda müxtəlif dövlət qurumlarının mətbuat katiblərinə və sözçülərinə qarşılıqlı etimada əsaslanan əməkdaşlığa görə minnətdarlığını bildirib.

O, xüsusilə Baş nazir Aparatının "İnformasiya və İctimaiyyətlə Əlaqələr", "Strateji Kommunikasiya" idarələrinin, eləcə də İctimaiyyətlə Əlaqələr və İnformasiya Mərkəzinin əməkdaşları ilə birgə fəaliyyətin effektiv kommunikasiya baxımından mühüm rol oynadığını vurğulayıb.

Bağdasaryan həmçinin jurnalistlərə və kütləvi informasiya vasitələrinin nümayəndələrinə təşəkkür edərək qeyd edib ki, onların fəaliyyəti ictimaiyyətin məlumatlandırılması və dövlət qurumlarının işinin işıqlandırılması baxımından xüsusi əhəmiyyət daşıyır.

O xatırladıb ki, bir gün əvvəl "Vətəndaş Müqaviləsi" Partiyası İdarə Heyətinin qərarı ilə Ermənistan Milli Məclisinin Əmək və Sosial Rifah Məsələləri Daimi Komissiyasının sədri vəzifəsinə namizəd seçilib.

"Milli Məclisdə görüşərik", – deyə Nazəli Bağdasaryan paylaşımını yekunlaşdırıb.