Baydenin oğlu Trampı zarafatla Nobel Sülh Mükafatına namizəd göstərib

ABŞ-nin keçmiş prezidenti Co Baydenin oğlu, iş adamı Hanter Bayden iyulun 2-də ABŞ prezidenti Donald Trampı zarafatla Nobel Sülh Mükafatına "namizəd göstərib".

"PostMedia" xəbər verir ki, bu barədə o, özünün "X" hesabında qeyd edib.

"Donald C. Trampı rəsmi olaraq Nobel Sülh Mükafatına namizəd göstərirəm. Tarixdə heç bir prezident eyni müharibəni bu qədər dəfə bitirməyib"

O, bununla İranla bağlı münaqişəyə işarə edib.

Bayden paylaşımında CNN telekanalının hesablamalarına istinad edərək bildirib ki, Tramp Yaxın Şərqdə müharibənin başa çatdığını müxtəlif ifadələrlə ən azı 38 dəfə bəyan edib.

Hanter Bayden istehza ilə əlavə edib ki, indiyədək heç bir ABŞ prezidenti belə "nailiyyət" əldə etməyib və Tramp "bu müharibəni bitirməyi hələ bitirməyib".