Moskva Azərbaycan icmasının rəhbəri Rusiyadan deportasiya edilib

Moskva Azərbaycan icmasının rəhbəri Bəxtiyar Həsənov Rusiyadan deportasiya edilib.

"PostMedia" xarici KİV-lərə istinadən xəbər verir ki, Həsənov miqrantların müvəqqəti saxlanma mərkəzindən hava limanına aparılıb və daha sonra Rusiya Federasiyasından çıxarılıb.

Bəxtiyar Həsənovun Rusiya vətəndaşlığı 2025-ci ilin sentyabrında ləğv edilib. O, 2000-ci illərdə Rusiya vətəndaşlığı alıb, 2022-ci ilin iyulundan isə Moskva azərbaycanlılarının regional milli-mədəni muxtariyyət şurasına rəhbərlik edib. (armeniatoday.am)

Məlumata görə, Həsənov bu ilin iyununda hüquq-mühafizə orqanları tərəfindən saxlanılıb və miqrantların müvəqqəti saxlanma mərkəzinə yerləşdirilib.