Netanyahu və Tramp yaxın vaxtlarda ABŞ-də görüşəcək

İsrailin Baş naziri Benyamin Netanyahu ilə ABŞ Prezidenti Donald Tramp yaxın vaxtlarda ABŞ-də görüş keçirmək barədə razılığa gəliblər.

"PostMedia" xəbər verir ki, İsrail Baş nazirinin ofisinin yaydığı məlumata görə, liderlər arasında baş tutan telefon danışığı zamanı qarşıdakı görüşün təşkili məsələsi razılaşdırılıb.

Netanyahu söhbət zamanı İsrail ilə ABŞ arasında strateji tərəfdaşlığın və sıx əməkdaşlığın əhəmiyyətini vurğulayıb.

Görüşün dəqiq tarixi və gündəliyi barədə hələlik əlavə məlumat açıqlanmayıb.