KTMT Ermənistanla Azərbaycan arasında sülh sazişinin tezliklə imzalanmasını istəyir

Kollektiv Təhlükəsizlik Müqaviləsi Təşkilatı (KTMT) Ermənistan və Azərbaycan arasında sülh sazişinin tezliklə imzalanmasını istəyir.

"PostMedia" xarici KİV-lərə istinadən xəbər verir ki, KTMT Təhlükəsizlik Şurasının sammitinin yekununda qəbul edilmiş Bəyannamədə Azərbaycan-Ermənistan prosesi də əksini tapıb.

Bəyannamədə bildirilir:

"Biz Ermənistan Respublikası və Azərbaycan Respublikası arasında fəal dövlətlərarası dialoqu məmnunluqla izləyirik. Biz hərtərəfli nizamlamanı dəstəkləyirik və tərəflər arasında şərtsiz sülh sazişinin mümkün qədər tez imzalanmasının tərəfdarıyıq".