Xanlar Vəliyevin Konstitusiya Məhkəməsinin hakimi təyin olunub

Milli Məclis Xanlar Vəliyevin Konstitusiya Məhkəməsinə hakim təyin olunmasını təsdiqləyib

"PostMedia"nın məlumatına görə, Milli Məclisin bu gün keçirilən plenar iclasında Prezident İlham Əliyevin təqdimatı əsasında Xanlar Vəliyevin Konstitusiya Məhkəməsinə hakim təyin olunması məsələsinə baxılıb.

Təklif müzakirə olunduqdan sonra sənəd səsverməyə çıxarılıb və bir oxunuşda qəbul edilib.

Qərarın qəbulundan sonra Xanlar Vəliyev Milli Məclisdə Konstitusiya Məhkəməsinin hakimi kimi and içib.

Qeyd edək ki, Xanlar Vəliyev bu təyinata qədər ölkənin Hərbi prokuroru vəzifəsində çalışırdı. Onun həmin vəzifədəki səlahiyyət müddəti artıq başa çatıb.