Bu gün Türkiyədə Antalya Diplomatik Forumu başlayacaq

Bu gün Türkiyənin Antalya şəhərinin Bələk bölgəsində Antalya Diplomatiya Forumu başlayır.

“PostMedia” xəbər verir ki, tədbirdə Azərbaycan Prezidenti İlham Əliyevin də iştirakı gözlənilir.

Türkiyə Prezidenti Rəcəb Tayyib Ərdoğanın iştirakı ilə keçiriləcək tədbirə bir çox dünya liderləri, o cümlədən Suriya Prezidenti Əhməd Şara da qatılacaq.

Diplomatiya Forumu bu il dördüncü dəfə keçirilir və “Qütbləşmiş dünyada diplomatiyanın inkişafı” mövzusu ilə təşkil olunub.

Forumda 20-dən çox dövlət və hökumət başçısının, 50-dən artıq xarici işlər naziri daxil olmaqla 70-dən çox nazirin, həmçinin 60-a yaxın beynəlxalq təşkilat təmsilçisinin iştirakı gözlənilir. Ümumilikdə 4 minə yaxın qonaq, o cümlədən tələbələr tədbirə qatılacaq.