Budapeşt dünyanın ən çirkli şəhəri elan edilib

Macarıstanın paytaxtı Budapeşt dünyanın ən çirkli paytaxtı seçilib.

“PostMedia” xəbər verir ki, bu barədə məlumat qlobal baqaj saxlanması şirkəti olan “Radical Storage” tərəfindən yayılıb.

Siyahının ilk 10-luğunda İtaliya Roma, Florensiya, Milan və Verona ilə təmsil olunub.

ABŞ-də Las Veqas üçüncü yeri tutub, Nyu-York isə 12-ci pillədə qərarlaşıb.

Məlumata görə, “Radical Storage” “Euromonitor Top 100 City Destinations” indeksinə daxil olan 100 şəhəri təhlil edib və “Google” istifadəçilərinin ötən il yazdığı 70 min rəy araşdırılıb. “Təmiz” və “çirkli” ifadələrinin qeyd edilməsi əsasında şəhərlərin sanitar vəziyyəti qiymətləndirilib.

Şəhərlər küçələrin və tikililərin vəziyyəti haqqında mənfi rəylərin payına görə qiymətləndirilib. 100-dən az rəy olan şəhərlər və “təmiz deyil”, “çirkli deyil” kimi yanlış nəticə yaradan ifadələr nəzərə alınmayıb. Yalnız ingilis dilində yazılmış rəylər təhlil olunub.

Nəticədə dünyanın ən çirkli şəhərlərinin belə bir siyahısı müəyyən olunub

1. Budapeşt, Macarıstan – rəylərin 37,9%-i şəhərin çirkli və zəif saxlanıldığını göstərir.

2. Roma, İtaliya – 35,7%: çoxsaylı turistlər və tullantıların yığılması ilə bağlı problemlər şəhəri çirkli edir. Küçələrdə tez-tez vəhşi donuzlara rast gəlinir.

3. Las Veqas, ABŞ – 31%: 24 saatlıq gecə həyatı və turist axını küçələrin təmizlənməsini çətinləşdirir. TripAdvisor istifadəçiləri şəhəri “zibilxana” adlandırır – küçələrdə nəcis, sidik və narkomanların olması göstərilir.

4. Florensiya, İtaliya – 29,6%

5. Paris, Fransa – 28,2%

6. Milan, İtaliya – 26,8%

7. Verona, İtaliya – 26,2%

8. Frankfurt, Almaniya – 24,6%

9. Brüssel, Belçika – 24,4%

10. Qahirə, Misir – 23,6%

Təmiz şəhərlər axtaran səyahətçilər üçün Radical Storage ayrıca reytinq tərtib edib:

1. Krakov, Polşa — 98,5% müsbət rəy

2. Şarja, BƏƏ — 98%

3. Sinqapur — 97,9%

4. Varşava, Polşa — 97,8%

5. Doha, Qətər — 97,4%

6. Riyad, Səudiyyə Ərəbistanı — 96,9%

7. Praqa, Çexiya — 96,4%

8. Muskət, Oman — 96,4%

9. Dubay, BƏƏ — 96,3%

10. Fukuoka, Yaponiya — 96,3%

Araşdırma göstərir ki, turistlər şəhərlərin sanitar vəziyyətinə getdikcə daha çox diqqət yetirirlər. Buna görə də yerli hakimiyyət orqanları turist axınını idarə edərkən və küçələrin təmizliyini təmin edərkən bu amili nəzərə almalıdır.