Paşinyanın mühafizəçisi jurnalisti itələyib

Ermənistanın Baş naziri Nikol Paşinyan bu gün Yerevanda Armen Tiqranyan adına musiqi məktəbində olarkən onun mühafizəçisi ərazidə olan jurnalistlərdən birini itələyib.

"PostMedia" xəbər verir ki, təzyiqə məruz qalan "news.am" saytının əməkdaşı olub.

Məlumata görə, Paşinyanın səfərindən bir neçə saat əvvəl məktəbin bütün ətraf ərazisi onun təhlükəsizlik əməkdaşları ilə dolu olub.

Paşinyan çoxsaylı mühafizəçilərlə məktəbə gəlib. Mühafizəçilərin bir hissəsi baş nazirin düşəcəyi avtomobili mühasirəyə alıb, digərləri isə vətəndaşların məktəb ərazisinə giriş-çıxışını məhdudlaşdırıb.

Müxbir Baş nazirə sual verməyə cəhd edərkən, onun təhlükəsizlik əməkdaşlarından biri jurnalisti itələyib, müxbirin çiyin və telefonuna zərbə endirib.

Təhlükəsizlik əməkdaşları bildirib ki, məktəbin ətrafı Paşinyanın səfəri ilə əlaqədar müvəqqəti olaraq xüsusi mühafizə zonası elan edilib.