Roma Papası çoxarvadlılığı və çoxərliliyi qadağan edib

Roma Papası Leo XIV fərman dərc edib və ona əsasən katoliklərə eyni zamanda bir neçə partnyorla evlənmək və ya yaxın münasibət qurmaq qadağan olunur.

"PostMedia" bu barədə "Reuters"ə istinadən xəbər verir.

Çoxarvadlılıq və çoxərliyin icazəli olması məsələsi Vatikanın 2023 və 2024-cü illərdə keçirdiyi iki beynəlxalq sammitdə müzakirə olunub. Həmin toplantılarda dünyanın müxtəlif ölkələrindən yüzlərlə kardinal və yepiskop iştirak edib. Müzakirələrə səbəb Afrikada çoxarvadlılığın geniş yayılması və Qərb ölkələrində çoxpartnyorlu münasibətlərin artan populyarlığı olub.

Vatikan görüşləri təsdiqləyiblər ki, kilsənin mövqeyi dəyişməz qalır: katolik ənənəsinə görə, nikah bir kişi və bir qadının ömürboyu birliyi hesab olunur. Rəsmi sənəddə vurğulanıb: “Nikah bərabər ləyaqət və hüquqlara malik iki insanın birliyidir və bu, istisnasız sədaqət tələb edir”.