Putin Bişkekdə qırğız milli musiqi aləti olan qopuz çalıb - VİDEO

Bişkekə səfəri zamanı Rusiya Prezidenti Vladimir Putin qırğızların milli musiqi aləti olan qopuzu çalmağa cəhd edib.

"PostMedia" xəbər verir ki, kadrları Kremlin mətbuat xidməti yayıb.

Kollektiv Təhlükəsizlik Şurasının iclasından əvvəl “Ala-Arça” dövlət iqamətgahında dövlət başçıları üçün qısa mədəni proqram təşkil olunub. Liderlərə qırğız yurdunun interyeri və üçsimli qopuzun hazırlanma prosesi nümayiş etdirilib. Sərgiləyən ustalardan biri qonaqlar üçün milli musiqi ifa edib.

Daha sonra Vladimir Putin qopuzu əlinə alaraq bir neçə akkord çalıb və alətin düzgün köklənib-köklənmədiyini yoxlayıb.

Qeyd edək ki, KTMT Kollektiv Təhlükəsizlik Şurasının iclası Qırğızıstanın sədrliyi ilə noyabrın 27-də Bişkekdə keçiriləcək.

[media=youtube.com/watch?time_continue=13&v=e2DGNz81xfQ&embeds_referring_euri=https%3A%2F%2Faxar.az%2F&source_ve_path=Mjg2NjQsMjg2NjY]