Mariya Zaxarov xoşbəxtliyin sirrini açıb

Rusiya XİN sözçüsü Mariya Zaxarova: “Həqiqi xoşbəxtlik sevmək və sevgini paylaşmaq bacarığıdır”

Rusiya Xarici İşlər Nazirliyinin sözçüsü Mariya Zaxarova "Milis dalğası" (Mилицейская волна) radiosuna müsahibəsində insanı həqiqətən xoşbəxt edən amil barədə danışıb.

"PostMedia" xəbər verir ki, onun sözlərinə görə, xoşbəxtlik sevə bilmək və bu sevgini başqalarına ötürmək bacarığı ilə bağlıdır.

“Sevgi… bu elə bir ruh halıdır ki, anlayırsan — onu istifadə etdiyindən daha çox başqalarına verə bilərsən”, — deyə o, bildirib.

Zaxarova həmçinin qeyd edib ki, şəxsi həyatında “şallaq və kökə” prinsipindən istifadə etmir, baxmayaraq ki, bu stereotip tez-tez diplomatiyada işlədilir. Onun sözlərinə görə, bu ifadə müəyyən məsələlərin həllinə yönəlmiş tədbirlər kompleksini təsvir etmək üçün istifadə olunur, lakin o, şəxsi münasibətlərdə fərqli üsulları üstün tutur.

“Düzünü desəm, mən həyatımda müxtəlif yanaşmalardan istifadə edirəm”, — deyə Zaxarova əlavə edib.