Ermənistanda səhiyyə işçilərinin xüsusi vəsiqələri olacaq

Ermənistanın Səhiyyə Nazirliyi tibb işçiləri üçün xüsusi rəsmi sənədlərin (ID kartlar) tətbiqini nəzərdə tutur.

"PostMedia" xəbər verir ki, bu barədə Ermənistanın səhiyyə naziri Anahit Avanesyan öz “Facebook” səhifəsində məlumat verib və ID kartın prototipini paylaşıb.

“Bütün tibb işçiləri üçün reyestrin tətbiqi ilə belə ID kartlar nəzərdə tutmuşuq. Bu kart həm Ermənistanda, həm də digər ölkələrdə sizin həkim olduğunuzu təsdiq edəcək.

Bu, hələlik prototipdir. Xahiş edirəm dizayn və daxil ediləcək məlumatlarla bağlı rəy və təkliflərinizi aşağıda yazın ki, onları nəzərdən keçirək”, – deyə o bildirib.