Trmp BBC-ni məhkəməyə verə bilər

BŞ Prezidenti Donld Trmp məktub göndərərək media qurumunu məhkəməyə verməklə hədələyib.

"PostMedia" xəbər verir ki, BBC Şurasının sədri Samir Şah Böyük Britaniya parlamentinə göndərilən məktubda BBC Panorama proqramının sənədli filmində Donald Trampın nitqinin redaktəsi ilə bağlı “qərarvermədə səhv” etdiklərinə görə üzr istədiyini bildirib.

Trmpın vəkilləri BBC-yə sənədli filmdən "tam və ədalətli geri çəkilmək" üçün noyabrın 14-nə qədər vaxt verib - əks halda 1 milyard dollar (760 milyon funt sterlinq) təzminat tələb oluna bilər.

Eyni zamanda, o, BBC-nin problemləri həll etmək üçün heç bir şey etmədiyi barədə iddiaları “sadəcə yalan” adlandırıb.

Bu arada, BBC məktubu aldığını təsdiqləyib və müvafiq qaydada cavab verəcəyini bildirib.

Məsələ bu ilin yayında gündəmə gəlib. Belə ki, "Telegraph" qəzeti BBC-nin redaksiya standartları üzrə keçmiş müstəqil məsləhətçisi Maykl Preskottun qeydlərini dərc etdikdə ortaya çıxıb. Şahın sözlərinə görə, həmin dərcdən sonra BBC 500-dən çox şikayət alıb.

Şah məktubunda qeyd edib ki, redaktorlar klipi redaktə edərkən Trampın nitqinin mənasını tamaşaçılara daha aydın çatdırmaq və Panorama izləyicilərinə Trampın tərəfdarlarının həmin an nə baş verdiyini anlamağa kömək etmək məqsədi güdürdülər. Lakin redaktənin nəticəsi olaraq, nitqin “birbaşa zorakı hərəkətlərə çağırış kimi” qavranıldığı təəssüratı yaranıb və BBC bu qərarvermədəki səhvə görə üzr istəyir.

Şah həmçinin bildirib ki, sənədli film ABŞ-dakı son prezident seçkilərindən əvvəl yayımlanıb və tamaşaçılar arasında böyük reaksiyaya səbəb olmayıb, lakin diqqət ABŞ prezidentliyinə dair xəbər işlərinin ümumi qiymətləndirilməsi çərçivəsində cəlb edilib.

Şah məktubda qeyd edib ki, redaksiya rəhbərliyi bəzi hallarda səhvlər edə bilər və ya xəbərlər daha ətraflı kontekst və izah tələb edə bilər. Məktubda həmçinin daha rəsmi tədbirlərin görülməsinin faydalı olacağı vurğulanıb.