Kanadada dinozavr sümüklərində böyüyən nadir mamırlar tapılıb

Britaniyanın Ridinq Universitetinin alimləri müəyyən ediblər ki, Kanadada iki növ parlaq narıncı mamır xüsusilə dinozavr sümüklərində məskunlaşır. "PostMedia" xəbər verir ki, bu kəşf paleontoloqlara dron və hava çəkilişləri vasitəsilə o cür sümükləri asanlıqla aşkar etməyə imkan verəcək. Tədqiqatçılar bildiriblər ki, mamırların bu xüsusiyyəti gələcəkdə fosil axtarışlarında inqilab yarada bilər. Araşdırma Kanadanın Alberta əyalətindəki UNESCO-nun Dünya irsi siyahısına daxil edilmiş “Dinozavrlar Parkı”nda aparılıb.