ABŞ-də bir keşiş ianə qarşılığında Allahdan zənginlik vəd edib

ABŞ-nin Florida ştatında bir kilsə keşişi inanclılara qısa müddətdə böyük məbləğdə pul köçürməyə çağıraraq, bunun müqabilində Allahın onları milyonçu edəcəyini iddia edib.

"PostMedia" xəbər verir ki, bu barədə "Premier Christian" nəşri məlumat yayıb.

Özünü “tərifçi” adlandıran pastor Todd Hall konfrans zamanı çıxış edərək bildirib ki, Allah kiməsə nəhəng sərvət bəxş etməyə hazırdır. Onun sözlərinə görə, bu, 90 saniyə ərzində 10 min dollar ianə edənlərə nəsib olacaq.

Sosial şəbəkələrdə ciddi tənqidə məruz qalan videoda bahalı kostyum geyinmiş keşiş ianə etməyə çağırır və iddia edir ki, Allah onun çağırışına cavab verənlərin “üzünə baxacaq”.