"Ağ Ev" Belçika ilə Belarusu qarışdırıb - Brüssel "Sülh Şurası"na daxil edilməsinə etiraz edib

ABŞ Prezidenti Donald Trampın təşəbbüsü ilə yaradılan "Sülh Şurası"na (Council of Peace) üzv olan ölkələrin siyahısında Belçikanın adının yer alması rəsmi Brüsselin etirazına səbəb olub.

"PostMedia" xəbər verir ki, Belçikanın xarici işlər naziri Maksim Prevo "X" hesabında bəyan edib ki, ölkəsi bu şuraya daxil olmayıb: "Belçika "Sülh Şurası"nın nizamnaməsini imzalamayıb. Bu iddia yanlışdır". Nazirin sözlərinə görə, bir çox Avropa ölkəsi kimi Belçikanın da bu təşəbbüslə bağlı şübhələri var və Brüssel "vahid və koordinasiya edilmiş Avropa cavabı" tərəfdarıdır.

NBC və Belçikanın VRT telekanalının məlumatına görə, Ağ Evin yaydığı ilkin siyahıda Belçikanın adı Bəhreyn, Mərakeş, Argentina, Ermənistan, Azərbaycan, Bolqarıstan, Misir, Macarıstan, İndoneziya, İordaniya, Qazaxıstan, Kosovo, Monqolustan, Pakistan, Paraqvay, Qətər, Səudiyyə Ərəbistanı, Türkiyə, BƏƏ və Özbəkistanla bir sırada çəkilib. Mənbələr Ağ Evin Belçika (Belgium) ilə Belarusu (Belarus) səhv saldığını bildirirlər.

{include file="engine/modules/calal/embed.php?content=https://x.com/prevotmaxime/status/2014300654240477577?s=20"}