Tramp Azərbaycanı yenidən "Aberbaycan" adlandırıb

Davos Dünya İqtisadi Forumundakı çıxışı zamanı ABŞ Prezidenti Donald Tramp Azərbaycan və Ermənistan arasındakı münaqişənin həllini yenidən xatırladıb və bu zaman Azərbaycanın adını yenə də "Aberbaycan" kimi tələffüz edib.

"PostMedia" xəbər verir ki, xüsusilə bu məsələni Rusiya Prezidenti Vladimir Putinlə necə müzakirə etdiyindən danışıb:

"Vladimir Putin mənə zəng etdi... Ermənistan və Aberbaycan... O dedi: 'Sizin bu münaqişəyə son qoyduğunuza inana bilmirəm'", — deyə ABŞ Prezidenti bildirib.

Qeyd edək ki, Tramp keçmişdə də dəfələrlə ölkə adlarını səhv salıb; Ermənistanı "Albaniya" adlandırıb, bir dəfə isə hətta "Kamboca və Ermənistan" arasındakı müharibəni dayandırdığını bəyan edib.