Tramp: Qrenlandiyanın bütün müdafiəsi – iki it sürüsü

"Qrenlandiyanın müdafiəsinin əsası “iki it sürüsüdür”.

"PostMedia" xəbər verir ki, bu barədə ABŞ Prezidenti Donald Tramp bildirib.

“Qrenlandiyanın müdafiə sistemi bu cür qurulub – iki it sürüsü. Bilirsiniz bunu? Bilirsiniz, bu necə müdafiədir? İki it sürüsü. Bu arada ətrafda rus və Çin kreyserləri, sualtı qayıqları var, hər yerdə. Biz buna imkan verməyəcəyik”, – deyə Tramp jurnalistlərə təyyarədə açıqlama verib.

Kadrlar göstərir ki, bu sözləri deyərkən "Ağ Ev"in mətbuat katibi Karolin Levitt gülümsəyir.

Tramp bir neçə dəfə qeyd edib ki, Danimarka tərkibində avtonomiya olan Qrenlandiya ABŞ-yə qoşulmalıdır. Obyektin müstəqillik məsələsi bu ilin mart ayında Qrenlandiya parlamenti seçkilərində əsas mövzulardan biri olub.

Sorğular göstərir ki, əksər qrenlandiyalılar buna üstünlük verərdi, lakin hələ qərar verməyiblər ki, ayrılma nə zaman və necə baş verəcək.