Netanyahu mikrofona ərəb toxunduqdan sonra onun dezinfeksiya edilməsini istəyib

Sosial şəbəkələrdə İsrailin Baş naziri Benyamin Netanyahunun iştirakı ilə bir video yayılır. Həmin görüntülərdə o, Birləşmiş Ərəb Əmirlikləri (BƏƏ) vətəndaşlarından birinin mikrofona toxunmasından sonra dezinfeksiyaedici vasitə tələb edir.

"PostMedia" xəbər verir ki, bu barədə "İranist" Telegram kanalı məlumat yayıb. Videoda İsrail Baş naziri Benyamin Netanyahunun BƏƏ vətəndaşının mikrofona toxunmasından dərhal sonra təmizləyici vasitə istədiyi görünür.

"İsrail ilə münasibətlərin normallaşmasını xəyal edən və nəticədə buna nail olan ərəblərə qarşı münasibətləri məhz belədir", — deyə Telegram kanalı qeyd edib.