ABŞ Milli Qvardiyası küçələrdə Santa Klaus papaqları ilə patrula başlayıb

ABŞ-nin iri şəhərlərinin küçələrində patrul xidməti həyata keçirən ABŞ Milli Qvardiyasının hərbçiləri Qriqorian təqvimi ilə Milad bayramı münasibətilə xidmətə Santa Klausun qırmızı papaqları ilə çıxmağa başlayıblar.

"PostMedia" xəbər verir ki, bu barədə ABŞ-nin müdafiə naziri Pit Hegset bildirib.

“Forma üzərində tam razılaşdırılmış dəyişiklik”, – deyə Hegset X sosial şəbəkəsində paylaşım edib. O, paylaşımına kamuflyaj geyimdə və qırmızı Milad papaqları ilə küçədə patrul edən Milli Qvardiya əməkdaşlarının əks olunduğu videonu da əlavə edib.