İspaniya şahzadəsi kral ailəsinin ənənəsini pozub

İspaniya kralı VI Filipin böyük qızı, 20 yaşlı şahzadə Leonor ilk müstəqil uçuşunu həyata keçirərək hərbi hazırlığının mühüm mərhələsini başa vurub.

"PostMedia" xəbər verir ki, bu barədə "Vanity Fair" nəşri məlumat yayıb.

Taxt-tacın varisi Baş Aviasiya və Kosmik Elmlər Akademiyasında intensiv təlim proqramı keçir. Bu nailiyyəti ilə Leonor İspaniya monarxiya tarixində təkbaşına uçuş həyata keçirən ilk qadın olub. Lakin bu, hərbi aviasiyanın müstəsna olaraq kişilərin sahəsi hesab edildiyi kral ailəsi ənənələrinin simvolik şəkildə pozulması anlamına gəlir.