Merts Almaniya hökumətində kadr dəyişiklikləri anons edib

Almaniya kansleri Fridrix Merts hökumətdə ilk kadr dəyişiklikləri barədə məlumat verib və yaxın vaxtlarda yeni təyinatların olacağını bildirib.

"PostMedia" xarici KİV-lərə istinadən xəbər verir ki, Federal Kansler Aparatının rəhbəri Torsten Frayı səhiyyə naziri Nina Varken əvəz edəcək. Bununla da Varken bu quruma rəhbərlik edən ilk qadın olacaq. Fray isə istefa vermiş Yens Şpanın yerinə Bundestaqda Xristian Demokrat və Xristian Sosial İttifaqları (CDU/CSU) fraksiyasının rəhbəri vəzifəsini tutacaq.

Almaniyanın yeni səhiyyə naziri CDU-nun baş katibi Karsten Linneman olacaq.

Bundan başqa, Kansler Aparatında federal mərkəzlə əyalətlər arasında əlaqələr üzrə dövlət naziri Mixael Maysteri Rəqəmsallaşma Nazirliyinin parlament dövlət katibi Filip Amtor əvəz edəcək.

Merts bildirib ki, hökumətdə növbəti kadr dəyişiklikləri ilə bağlı qərarlar zəruri məsləhətləşmələr başa çatdıqdan sonra açıqlanacaq.