Elektrik dirəyinə dırmaşan ayı faciəvi şəkildə ölüb

ABŞ-nin Nyu-Meksiko ştatında elektrik dirəyinin zirvəsinə dırmaşan ayı görənləri təəccübləndirib.

"PostMedia" xəbər verir ki, hadisəni yoldan keçən sürücülər qeydə alaraq aidiyyəti qurumlara məlumat veriblər.

Ayının hansı səbəbdən dirəyə qalxdığı dəqiq bilinməsə də, ehtimal olunur ki, o, təhlükədən qaçmağa çalışıb. Xilasedicilər yüksəkdən yıxılma riski səbəbindən heyvanı sakitləşdirici iynə ilə endirə bilməyiblər. Buna görə də ayını təhlükəsiz şəkildə xilas etmək mümkün olmayıb.

Bir müddət sonra ayı yüksək gərginlik xətlərinə toxunaraq elektrik cərəyanına qapılıb və hadisə yerində tələf olub. Hadisə sosial şəbəkələrdə geniş müzakirələrə səbəb olub.

Mütəxəssislər bildirirlər ki, vəhşi heyvanlar bəzən insanlardan və ya səs-küydən qorxaraq elektrik dirəklərinə ağac kimi dırmaşırlar ki, bu da onlar üçün ölümcül təhlükə yaradır.