ABŞ-də Trampın təsviri olan 1 dollarlıq qızıl sikkə buraxılacaq

ABŞ-nin müstəqilliyinin 250 illiyi münasibətilə nominal dəyəri 1 ABŞ dolları olan yeni qızıl sikkənin zərbinə başlanılacaq.

"PostMedia" xarici KİV-lərə istinadən xəbər verir ki, bu barədə ABŞ-nin maliyyə naziri Skott Bessent məlumat verib.

Onun sözlərinə görə, sikkənin üzərində ABŞ Prezidenti Donald Trampın təsviri yer alacaq.

"Bu sikkə Prezident Trampı əks etdirir və Amerika dəyərlərinin gücünü, eləcə də hər kəs üçün azadlığı qorumağa çalışan bir millətin vədini tərənnüm edir", – deyə Bessent bildirib.