"SpaceX" “Starlink” üçün daha 29 peyk buraxıb

"SpaceX" şirkəti Falcon 9 raketi ilə “Starlink” internet şəbəkəsi üçün daha 29 peyki orbitə çıxarıb.

"PostMedia" xəbər verir ki, raket ABŞ-nin Florida ştatındakı Kanaveral burnu kosmodromundan buraxılıb. Birinci pillə uğurla ayrılaraq Atlantik okeanında yerləşən “A Shortfall of Gravitas” üzən platformasına eniş edib.

2019-cu ildən “Starlink” layihəsi çərçivəsində SpaceX 10,5 mindən çox peyk buraxıb. Onlardan 9,1 mindən çoxu hazırda orbitdə fəaliyyət göstərir. Şirkət qlobal yüksək sürətli internet təmin etmək üçün gələcəkdə peyklərinin sayını 30 mindən çoxa çatdırmağı planlaşdırır. Layihəyə ümumi investisiyaların təxminən 10 milyard dollar olduğu bildirilir.