"Shell" Hindistanda "yaşıl enerji" biznesini 1,8 milyard dollara satıb

Britaniyanın enerji şirkəti "Shell" Hindistandakı külək və günəş enerjisi biznesini "Aditya Birla Renewables" şirkətinə 1,8 milyard dollara satıb.

"PostMedia"nın "Financial Times"a istinadən verdiyi xəbərə görə, sövdələşmə şirkətin neft-qaz sektoruna daha çox fokuslanmaq strategiyası çərçivəsində həyata keçirilib.

Nəşr yazır ki, "Shell" bərpa olunan enerji sahəsinə yatırımlarını azaltmağa davam edir və daha yüksək gəlir gətirən istiqamətlərə üstünlük verir.

Şirkətin emal, bərpa olunan enerji və enerji həlləri üzrə rəhbəri Maxteld de Haan bildirib ki, "Shell" elektrik enerjisi portfelini optimallaşdıraraq daha rəqabətqabiliyyətli biznes qurmağa çalışır.