Penitensiar Xidmət 355 min manatlıq dəftərxana ləvazimatları almaq istəyir

Azərbaycan Respublikasının Ədliyyə Nazirliyinin Penitensiar Xidməti tabe qurumlarının ehtiyaclarının təmin edilməsi məqsədilə dəftərxana ləvazimatlarının satın alınması üzrə tender elan edib.

"PostMedia" xəbər verir ki, tenderin predmetinə müxtəlif növ dəftərxana mallarının alınması daxildir. Satınalma çərçivəsində ümumilikdə 47 adda mal və xidmətin əldə olunması nəzərdə tutulur.

Məlumata görə, layihənin ehtimal olunan dəyəri 354 min 775 manat 85 qəpik təşkil edir.

Tender vasitəsilə alınacaq dəftərxana ləvazimatlarının Penitensiar Xidmətin tabe qurumlarının gündəlik fəaliyyətinin təmin edilməsinə yönəldiləcəyi bildirilir.

Maraqlı tərəflər müəyyən edilmiş qaydalara uyğun olaraq tenderdə iştirak edə bilərlər.