BƏƏ İrandan gizli şəkildə bir neçə neft tankerini Hörmüz boğazından keçirməyi bacarıb - "Reuters"

Birləşmiş Ərəb Əmirlikləri (BƏƏ) gizli şəkildə bir neçə neft tankerini Hörmüz boğazından keçirməyə nail olub.

"PostMedia" xəbər verir ki, bu barədə "Reuters" ekspertlərə və gəmiçilik məlumatlarına istinadən xəbər yayıb.

"Kpler" və "SynMax" şirkətlərinin məlumatına görə, Əbu-Dabinin Milli Neft Şirkəti aprel ayında Fars körfəzində hərəkət edən dörd tanker vasitəsilə ən azı 6 milyon barel xam neft ixrac etməyə nail olub.

"Reuters"in üç mənbəsi bildirib ki, tankerlər ya yüklərini Cənub-Şərqi Asiyaya gedən digər gəmilərə ötürə, ya Omanda lövbər sala, ya da birbaşa Cənubi Koreyanın neft emalı zavodlarına yollana bilərdi.

Agentliyin vurğuladığına görə, bu dörd gəminin marşrutu göstərir ki, istehsalçılar və alıcılar neft satışını artırmaq üçün hansı risklərə getməyə hazırdırlar. Bu isə İranın Hörmüz boğazını onun icazəsi olmadan keçməyə cəhd edən istənilən gəmiyə hücum edəcəyi ilə bağlı təhdidlərinə baxmayaraq baş verir.