İranın atdığı raket İsrailin sabiq nazirinin evini dağıdıb

İsrailin nüvə obyektlərinə hücumuna cavab olaraq İranın həyata keçirdiyi ballistik raket zərbələri nəticəsində keçmiş ətraf mühit naziri "lukud" partiyasının üzvü Danni Navehin evi dağılıb.

"PostMedia" İsrail mediasına istinadən xəbər verir ki, İsrailin müdafiə naziri İsrail Katz isə bəyan edib ki, Xamenei müharibə cinayətlərinin bədəlini ödəyəcək.

"Kanal 12" televiziya kanalında yayımlanan görüntülərdə Navehin evinin alovlar içində yanaraq qısa müddətdə böyük bir xarabalığa çevrildiyi anlar əks olunub.

Digər tərəfdən, İranın bu gün həyata keçirdiyi hücumlar nəticəsində 129 nəfərin yaralandığı bildirilib.