"Reuters": ABŞ və Ukrayna havada atəşkəs təklifini müzakirə edib

"Ağ Ev"in nümayəndəsi bildirib ki, ABŞ Prezidenti Donald Tramp və Ukrayna Prezidenti Volodimir Zelenski çərşənbə axşamı Vaşinqtonda görüşməlidirlər.

"PostMedia"nın xbərinə görə, Ukraynalı mənbə "Reuters" agentliyinə bildirib ki, Zelenski ABŞ-yə səfərdə maraqlıdır, lakin onun komandası "Ağ Ev"in rəsmi təsdiqini gözləyir.

Mənbənin sözlərinə görə, Ukrayna və ABŞ rəsmiləri Rusiyaya sülh təşəbbüslərinin yeni mərhələsi çərçivəsində təqdim olunacaq havada atəşkəs təklifini müzakirə ediblər. Bu təşəbbüs 2022-ci ildə Rusiyanın Ukraynaya müdaxiləsi ilə başlayan müharibənin dayandırılmasına yönəlib.

Mənbə qeyd edib ki, Ukrayna daha əvvəl də Rusiya Prezidenti Vladimir Putinə atəşkəs təklifləri təqdim etsə də, onlar rədd edilib. Bəzi rəsmilər hesab edirlər ki, Ukraynanın pilotsuz uçuş aparatları və raketlərlə davam etdirdiyi zərbələrin Rusiya iqtisadiyyatına göstərdiyi təzyiq Putinin mövqeyinin yumşalmasına təsir göstərə bilər.