Boris Conson Britaniyanın yeni XİN başçısını Ukrayna müharibəsində ittiham edib

Böyük Britaniyanın keçmiş baş naziri Boris Conson yeni baş nazir Endi Börnhemin Edvard Milibendi xarici işlər naziri təyin etməsini tənqid edib.

"PostMedia" xəbər verir ki, bu barədə o, özünün "X" hesabında məlumat paylaşıb.

O bildirib ki, Leyboristlər Partiyasının keçmiş lideri Ukraynadakı müharibəyə görə məsuliyyət daşıyır.

Mühafizəkarlar Partiyasından olan keçmiş hökumət başçısı iddia edib ki, Milibendin Bəşər Əsədə qarşı qəti mövqe sərgiləyə bilməməsi "birbaşa Putinin Ukraynaya ilk müdaxiləsinə gətirib çıxarıb" və bu təyinat Kremlin maraqlarına uyğundur.

"Bu tamamilə doğrudur. Bəşər Əsəd məsələsində qətiyyətsizlik, buna görə Milibend böyük məsuliyyət daşıyır, Putinin Ukraynaya ilk müdaxiləsinə səbəb oldu. Xarici işlər naziri postu üçün dəhşətli seçimdir. Kreml buna sevinəcək".

Edvard Milibend bazar ertəsi yeni hökumətin formalaşdırılması çərçivəsində Böyük Britaniyanın xarici işlər naziri vəzifəsini icra etməyə başlayıb. Bildirilir ki, onun təyinatı əvvəlki hökumətdə energetika naziri kimi beynəlxalq təcrübəsi və danışıqlar aparmaq bacarığı ilə əsaslandırılıb.

Eyni zamanda, mediada Ağ Evin bu təyinatdan "dərin narahatlıq keçirdiyi" və Britaniya hökumətini əvvəlcədən xəbərdar etdiyi barədə məlumatlar yayılıb. İddialara görə, Donald Tramp administrasiyası Milibendin iqlim siyasəti və Şimal dənizində neft-qaz hasilatının genişləndirilməsinə qarşı mövqeyinə görə onunla əməkdaşlığın çətin olacağını bildirib.