Bir sıra Avropa ölkələrinin liderləri Kiyevə gəlib

İyulun 15-i səhər saatlarında Avropa Komissiyasının prezidentindən əlavə, bir sıra Avropa ölkələrinin digər liderləri də Kiyevə gəliblər.

"PostMedia" xəbər verir ki, Ukraynanın bir neçə mediası, o cümlədən “Fakti ICTV” və “Suspilne” onların qatarla gəliş görüntülərini yayımlayıb.

Gəliş məntəqəsində olan müxbirlərin foto və videolarında Rumıniya Prezidenti Nikuşor Dan, Moldova Prezidenti Maya Sandu, Serbiya Prezidenti Aleksandar Vuçiç (onun Ukrayna Prezidenti Volodimir Zelenski ilə görüşü uzun müddətdir gözlənilirdi), Xorvatiyanın Baş naziri Andrey Plenkoviç, Albaniya Prezidenti Bayram Beqay və Sloveniyanın Baş naziri Yanez Yanşa görünür.

Kadrlarda həmçinin Şimali Makedoniyanın xarici işlər naziri Nikola Dimitrov və Monteneqronun xarici və Avropa işləri üzrə baş nazir müavini Filip İvanoviç də yer alıb.

Kiyevə səfəri barədə ilk məlumatı Avropa Komissiyasının Prezidenti Ursula fon der Leyen verib.

Liderlər Kiyevə “Cənub-Şərqi Avropa – Ukrayna” sammitində iştirak etmək üçün gəliblər. Sammitin keçirilmə tarixi və yeri əvvəlcədən rəsmi şəkildə açıqlanmayıb.

2025-ci ildə bu formatda dördüncü sammit Odessada, ondan əvvəlki görüş isə Xorvatiyanın Dubrovnik şəhərində keçirilib.