Lavrov: "Rusiya Türkiyədən “Mavi Axın”a hücumlarla bağlı Kiyevə sərt mesaj gözləyir"

"Moskva Türkiyədən Ukraynanın “Mavi Axın” qaz kəmərinin infrastrukturuna qarşı həyata keçirdiyi iddia olunan hücumlarla bağlı Kiyevə sərt mesaj verməsini gözləyir".

"PostMedia" xəbər verir ki, bunu Rusiyanın xarici işlər naziri Sergey Lavrov bildirib.

Lavrovun sözlərinə görə, Qara dənizdə Ukrayna pilotsuz katerlərinin Türkiyə yükləri daşıyan gəmilərə hücum etdiyi barədə məlumatlar var. O, həmçinin iddia edib ki, Türkiyəyə qaz nəql edən “Mavi Axın” qaz kəmərinin infrastrukturu da mütəmadi olaraq hücumlara məruz qalır.

Nazir bildirib ki, Rusiya bu məsələ ilə bağlı Türkiyə tərəfinin mövqeyi ilə maraqlanıb və Ankaranın hadisələrə açıq qiymət verəcəyinə, eləcə də Kiyevə sərt siqnal göndərəcəyinə ümid edir.