Kreml Türkiyənin "S-400"ləri satması ilə bağlı iddialara münasibət bildirib

Kreml Türkiyəyə tədarük edilən "S-400" zenit-raket sistemləri ilə bağlı Ankara ilə təmasların davam etdiyini açıqlayıb.

"PostMedia" xəbər verir ki, bunu Rusiya prezidentinin mətbuat katibi Dmitri Peskov bildirib.

O, qeyd edib ki, məsələ olduqca həssasdır və bu mövzu üzrə Türkiyə tərəfi ilə əlaqələr saxlanılır.

Bundan əvvəl Türkiyənin "Hürriyet" qəzeti Ankaranın Rusiyadan aldığı "S-400" sistemlərini Fars körfəzi ölkələrindən birinə satdığını və sövdələşmənin yaxın vaxtlarda elan olunacağını yazmışdı. Peskovdan Ankaranın bu satış üçün Moskvadan icazə istəyib-istəmədiyi soruşulsa da, o, bu barədə əlavə məlumat verməyib.