ABŞ İrana qarşı yeni sanksiyalar tətbiq edib

ABŞ İrana qarşı yeni sanksiyalar paketi tətbiq edib və eyni zamanda "Iran General License Y" adlı ümumi lisenziyanı dərc edib.

"PostMedia" xəbər verir ki, ABŞ Maliyyə Nazirliyinin Xarici Aktivlərə Nəzarət Ofisinin (OFAC) məlumatına görə, sanksiyalar İranın Hörmüz boğazında beynəlxalq gəmiçiliyə qarşı hücumları bərpa etməsindən sonra tətbiq olunub.

Sanksiyalar İranın ali dini lideri Müctəba Xamenei və digər yüksək vəzifəli şəxslərin maraqlarına xidmət etdiyi iddia edilən beynəlxalq aktivlər şəbəkəsini idarə edən maliyyə vasitəçisi Əli Ənsarini də əhatə edir.

Bununla yanaşı, OFAC İranla bağlı sanksiya rejimi çərçivəsində müəyyən əməliyyatları tənzimləyən Iran General License Y ümumi lisenziyasını da yayımlayıb.