İran XİN ABŞ-nin İrana hücumları üçün bazalarını təqdim edən ölkələrin məsuliyyət daşıdığını bəyan edib

09-iyul-2026, 12:34

Yazı Ölçüsü:

ABŞ-yə İrana qarşı hücumlar zamanı öz ərazilərini, hərbi bazalarını və infrastrukturunu istifadə etməyə icazə verən dövlətləri ciddi nəticələr gözləyir.

"PostMedia" xəbər verir ki, bu barədə 9 iyul tarixində İran Xarici İşlər Nazirliyinin rəsmi nümayəndəsi İsmayıl Bəqayi bildirib.

Onun sözlərinə görə, ABŞ-İsrail hərbi təcavüzü üçün Avropada öz ərazilərini, bazalarını və infrastrukturunu təqdim edən tərəflər bu cinayətdə şərik olduqlarına görə məsuliyyətdən və bunun doğuracağı nəticələrdən yayına bilməzlər.

İsmayıl Bəqayi, həmçinin NATO-nun baş katibi Mark Rüttenin açıqlamalarına cavab olaraq bildirib ki, Avropa ölkələri İranla bağlı münaqişədə neytrallığı qorumayıblar.

Həmin gün ABŞ Silahlı Qüvvələrinin Mərkəzi Komandanlığı (CENTCOM) İrandakı hədəflərə endirilən zərbələr silsiləsinin başa çatdığını açıqlayıb. Məlumata görə, ABŞ İran ərazisində yerləşən təxminən 90 hərbi hədəfə zərbələr endirib.