Tramp Suriyanın prezidenti ilə “əla” telefon danışığı apardığını bildirib

ABŞ Prezidenti Donald Tramp çərşənbə axşamı Suriyanın prezidenti Əhməd əş-Şaraa ilə “əla” telefon danışığı apardığını bəyan edib.

“PostMedia” xəbər verir ki, bu barədə o, özünün sosial şəbəkə hesabında məlumat verib.
Tramp əş-Şaraanı “yüksək hörmətə layiq bir şəxs” adlandırıb və əlavə edib ki, hər şey “çox, çox yaxşı gedir”.

“Buna görə də biz bundan çox məmnunuq”, – deyə o qeyd edib.

Al Arabiya-nın Suriyanın prezident administrasiyasının bəyanatına istinadən verdiyi məlumata görə, əş-Şaraa “terror qruplaşmalarının, o cümlədən İŞİD-in yenidən qayıdışının qarşısını almaq üçün beynəlxalq səviyyədə birgə səylərin vacibliyini” vurğulayıb.