Ukrayna MDB-nin sərhədlərin qorunması ilə bağlı sazişindən çıxıb

Ukrayna MDB çərçivəsində dövlət sərhədlərinin və dəniz iqtisadi zonalarının mühafizəsinə dair sazişdən çıxıb. Müvafiq qərar Ukrayna Prezidenti Volodimir Zelenski tərəfindən imzalanan fərmanla rəsmiləşdirilib.

"PostMedia" xəbər verir ki, sənəd prezidentin rəsmi saytında dərc olunub.

Fərmanda Ukraynanın 20 mart 1992-ci ildə Kiyevdə MDB-yə üzv dövlətlər arasında imzalanmış sazişdə iştirakının dayandırıldığı qeyd olunur. Qərar ölkənin MDB strukturları ilə hüquqi əlaqələrinin mərhələli şəkildə dayandırılması siyasətinin tərkib hissəsi kimi qiymətləndirilir.

Ukrayna son illər ərzində MDB ilə bağlı bir sıra razılaşmalardan çıxıb.