Cənubi Koreyanın sabiq prezidenti edam oluna bilər

Cənubi Koreya prokurorluğu sabiq prezident Yun Sok Yol üçün 2024-cü ilin dekabrında ölkədə qanunsuz hərbi vəziyyətin elan olunmasına görə ölüm cəzası tələb edib.

"PostMedia" xəbər verir ki, bu barədə "Yonhap" məlumat yayıb..
Sabiq prezidentin işi üzrə hökmün verilməsi fevral ayının əvvəlinə gözlənilir.
2024-cü ildə hərbi vəziyyətin elan edilməsi işi ilə bağlı üsyan ittihamı irəli sürülən Cənubi Koreyanın sabiq prezidenti Yun Sok Yol barəsində son məhkəmə iclası 9 yanvar tarixində Seul məhkəməsində başladı. Lakin cəza tələbi dinlənilmədən iş hələ yekunlaşmayıb. Buna görə də xüsusi prokuror Ço Un Sokun cəza tələbinin dinlənilməsi üçün əlavə iclas 13 yanvara təyin olunub.
Sabiq prezidentdən başqa, digər ittiham olunanlar arasında sabiq müdafiə naziri Kim Yon-hyon, sabiq Milli Polis Agentliyinin rəhbəri Ço Ci-ho və hərbi vəziyyətin planlaşdırılması və elan edilməsində əsas rol oynadıqları iddia edilən daha beş nəfər var.