Rusiya ilk dəfə dron-göyərçinləri təqdim edib

Rusiyada “Neiry” şirkəti idarə oluna bilən dron-göyərçinləri təqdim edib.

"PostMedia" TASS-a istinadən xəbər verir ki, bu biyonik quşların uçuşu beyinə yerləşdirilmiş neyroçiplər vasitəsilə tənzimlənir və onlar əsasən monitorinq və təhlükəsizlik məqsədləri üçün istifadə olunacaq.

Şirkətin açıqlamasına görə, neyroçip və quşun belinə yerləşdirilmiş cihaz beyindəki müəyyən zonaları stimullaşdırır ki, quş sağa və ya sola uçmaq “istəyir”.

Bu təsir zorakılıq deyil, quşun təbii reaksiyaları və istəkləri gücləndirilir, onun psixoloji və fiziki vəziyyətinə zərər vermir.

Cihaz, o cümlədən kamera, günəş panelləri ilə enerji ilə təmin olunur, mövqe isə GPS və digər naviqasiya sistemləri vasitəsilə müəyyən edilir.

"Neiry"nin təsisçisi Aleksandr Panov bildirib ki, hazırda sistem yalnız göyərçinlərdə sınaqdan keçirilib, lakin daşıyıcı hər hansı quş ola bilər.

Daha ağır yüklər üçün qaral quşları, sahil obyektlərinin monitorinqi üçün qarğaları, böyük dəniz əraziləri üçün isə albatrosları istifadə etmək planlaşdırılır.