“Azadlıq radiosu”nun Macarıstan xidməti yayıma dayandırılıb

“Azadlıq radiosu”nun Macarıstan xidməti yayıma dayandırılıb.

“PostMedia” “Euronews”a istinadən xəbər verir ki, cümə günü gecə yarısından etibarən “Azad Avropa/Azadlıq” radiosunun Macarıstan xidməti yayıma son qoyub.

Bu addım ABŞ Prezidenti Donald Trampın mart ayında imzaladığı icraçı fərmana əsaslanır. Fərmana görə, ABŞ-ın xaricdə fəaliyyət göstərən dövlət mediası – xüsusilə “Amerika Səsi”, “Azad Avropa/Azadlıq” və “Azad Asiya” – fəaliyyətini tənzimləyən USAGM ofisi “federal bürokratiyanın artıq elementi” kimi təsnif edilib. Ağ Ev qərarı ABŞ federal bürokratiyası və “radikal təbliğat”ın azaldılması cəhdlərinin bir hissəsi kimi qiymətləndirib.

“Azadlıq radiosu” ABŞ hökumətinə qarşı maliyyə azaldılması ilə bağlı məhkəmə iddiası qaldırıb. Media orqanları bildirir ki, hökumətin əvvəl Konqres tərəfindən ayrılmış maliyyəni rədd etməsi federal qanunu pozur.