Dağıstan gömrüyü Azərbaycandan gedən avtomobildə 120 kq-dan çox marixuana aşkarlayıb

Dağıstanda gömrük xidməti və Rusiya Federal Təhlükəsizlik Xidmətinin (FSB) əməkdaşları ölkəyə 122 kiloqram marixuananın qanunsuz gətirilməsinin qarşısını alıblar.

"PostMedia" yerli KİV-lərə istinadən xəbər verir ki, qadağan olunmuş narkotik vasitə Azərbaycandan Rusiyaya tranzitlə hərəkət edən yük avtomobilində aşkarlanıb.

Məlumata görə, müsadirə olunan narkotikin ümumi dəyəri 200 milyon rubldan (4,5 milyon manat) çoxdur. Faktla bağlı cinayət işi başlanıb.