"Əllərimiz tətiyin üzərindədir" - İranın SEPAH komandanı

İran İslam İnqilabı Keşikçiləri Korpusunun (SEPAH) komandanı Məhəmməd Pakpur düşmənlərə hər hansı bir yanlış hesablama barədə xəbərdarlıq edib və vurğulayıb ki, onun qüvvələri İranın ali rəhbəri Ayətullah Seyid Əli Xameneinin əmrlərini yerinə yetirmək üçün "əllərini tətiyin üzərində saxlayırlar".

"PostMedia" xəbər verir ki, bu barədə Press TV məlumat yayıb.

"Biz cinayətkar, bədxah və anti-insani düşmənlərə, xüsusilə ABŞ-a və saxta, irqçi sionist rejimə xəbərdarlıq edirik ki, hər hansı yanlış hesablamadan qaçmaq üçün tarixi təcrübədən və [iyun ayında] 12 günlük məcburi müharibə zamanı yaşadıqlarından dərs çıxarsınlar. Əgər onlar hər hansı bir yanlış hesablama aparsalar, onları daha ağrılı və peşmançılıq doğuran bir tale gözləyir"-deyə General-mayor Məhəmməd Pakpurun mesajında bildirilir.

O vurğulayıb ki, İslam İnqilabı Keşikçiləri Korpusunun qüvvələri ölkənin müdafiə qabiliyyətini və təhlükəsizliyini "Amerika-sionist düşmənçiliyindən və bədxah əməllərindən" qorumaq üçün hər zamankından daha çox gücləndiriblər.