"Tribune de Geneve": İsveçrədə F-35 qırıcılarının alınması üçün maliyyələşdirməyə razılıq verilib

İsveçrə parlamentinin yuxarı palatası ABŞ istehsalı olan "F-35" qırıcılarının alınması üçün əlavə 394 milyon frank (təxminən 496 milyon dollar) ayrılmasını təsdiqləyib.

"PostMedia" xəbər verir ki, bu barədə "Tribune de Geneve" qəzeti məlumat yayıb.

“Nəzarət Şurası F-35 qırıcıları üçün əlavə 394 milyon franka razılıq verib”, – deyə materialda bildirilir.

Nəşrin məlumatına görə, qərar 2026-cı il müdafiə hesabatının müzakirəsi çərçivəsində qəbul edilib. Ümumilikdə deputatlar 3,4 milyard frank həcmində hərbi xərcləri təsdiqləyiblər.

Qeyd olunur ki, İsveçrə Federal Şurası quru hava hücumundan müdafiənin gücləndirilməsinə, kiçik pilotsuz uçuş aparatlarına (PUA) qarşı müdafiəyə və kibertəhlükəsizliyin inkişafına xüsusi diqqət ayırıb. Əlavə maliyyə ən azı 30 ədəd F-35 qırıcısının alınmasını təmin edəcək.