ABŞ vitse-prezidenti: "Epşteyn İsrail kəşfiyyatının ən yüksək dairələri ilə əlaqəli olub"

Epşteyn İsrail kəşfiyyatının ən yüksək dairələri ilə əlaqəli olub.

"PostMedia" xəbər verir ki, bu barədə ABŞ-ın vitse-prezidenti Cey Di Vens bildirib.

“Epşteyn, görünür, İsrailin "dərin dövləti"nin (deep state) sol-mərkəzçi mövqelər tutan elementləri ilə əlaqəli idi. Bu məni həmişə təəccübləndirib. Onun İsrail siyasətinin sağ-mərkəzçi dairələri ilə sıx əlaqədə olduğunu demək olmazdı.

Mən tam əminliklə bilirəm ki, İsrail hökumətində elə insanlar var ki, diqqətimizi bu siyasətdən yayındırmağa çalışırlar, çünki hərbi kampaniyanın davam etməsini istəyirlər. Biz tam dəqiq bilirik ki, onların sistemində manipulyasiya edən və Amerika ictimai rəyini dəyişməyə çalışan insanlar var ki, müharibə sonsuza qədər davam etsin. Yenə də hansısa konkret məqsəd üçün yox, sadəcə sonsuzadək.

İsrail hökumətinin Amerika siyasətinə nə qədər güclü təsir göstərməsi barədə çox danışılır və əlbəttə ki, İsrail hökumətində bu razılaşmaya nifrət edən müəyyən insanlar var. Bunun təkzibedilməz sübutlarını görürük. Dünən "Times" qəzetində bir məqalə dərc olundu və orada mahiyyət etibarilə deyilirdi ki, Amerikada bəzi nüfuzlu şəxslərə bu razılaşmanı tənqid etmələri üçün pul ödənilir.

Bu, 9 milyon əhalisi olan ölkədir. Biz isə 330 milyonuq. Və əlbəttə ki, onlar amerikalıları inandırmağa çalışacaqlar. Amerikalıları bu və ya digər tərəfə yönəltməyə çalışacaqlar. Düşünürəm ki, israillilər bunu, şübhəsiz, əksəriyyətdən daha effektiv edirlər”, – Vens qeyd edib.