Tramp özünü Leninlə müqayisə edib

ABŞ Prezidenti Donald Tramp özünü Vladimir Leninlə müqayisə edərək, "tarixin ən böyük kommunisti" ola biləcəyini bildirib.

"PostMedia" xəbər verir ki, NATO sammitindən sonra jurnalistlərin sosialist ölkələrində yaşayan insanlara ünvanladığı mesajla bağlı sualını cavablandırarkən bu fikirləri səsləndirib.

"Kommunistlər ölkəmizdə yaxşı şeylərin baş verməsini istəmirlər. Onlar firavan dövlət görmək istəmirlər. Mən tarixin ən böyük kommunisti olardım. Leninlə eyni səviyyədə olardım", – deyə Tramp bildirib.

Xatırladaq ki, ABŞ Prezidenti Donald Tramp Türkiyədə keçirilən NATO sammitində iştirak edir.